Het besluut werd begin juni bekend en giet over een stuk grasland van ruum een kwart hectare dat van de kerkelijke gemeente is. De Boermarke Rolde-Nijlande-Eldersloo organiseert daor elk jaor het paosvuur, op basis van een pachtcontract tussen kerk en Boermarke.
De Stichting Behoud Rolder Kerk kreeg nao het besluut reacties en opzeggingen. In een nieuwsbrief an heur vrienden van zaoterdag 27 juni maakt ze dudelijk dat ze buten de besluten van de kerkenraad staot. De stichting is niet kerkelijk, maor warkt an het beholden van het kerkgebouw en an het gebruuk d'rvan deur het hiele dörp. Sinds de oprichting in 1998 draagt ze gemiddeld zo'n 10.000 euro per jaor bie an onderhold en herstel van kerk en orgel. Het bestuur probeert naor eigen zeggen al geruume tied mit de kerkenraad in gesprek te kommen over een aantal zörgen.
