Ruum €4 miljoen daorvan giet naor de vrije algemene reserve, de financiële buffer van de gemeente.
Het overschot komt onder meer deur hogere inkomsten uut leges veur omgevingsvergunningen, reserveerde budgetten die vrijvallen binnen en lagere kosten veur de opvang van Oekraïense vluchtelingen en asielzoekers. D'r waren ok tegenvallers: de kosten van afvalverwarking stegen, en deur een lagere rente waren hogere pensioenvoorzieningen neudig veur (oud-)bestuurders.
Wethouder Kiena ten Brink (financiën) zegt: “Een gezonde financiële uutgangspositie is noodzakelijk, want ok veur oenze gemeente liggen d'r uutdagingen in het verschiet.” Daormit doelt ze op 2026, het zogenoemde ravijnjaar, waorin de bijdrage van het Rijk an gemeenten fors daalt. Aa en Hunze verwacht dat jaor een tekort van €1,4 miljoen.
