Vandaag, vriedag 6 november, presenteert Rolde.nl officieel Rolde in 3D. Inwoners en bezuukers kunt boven het dörp kieken, biezundere plekken anklikken en bekende gebouwen van een aandere kant bekieken.
Een herkenbaor dörp dat meebeweegt
De meule reageert op de wind, op vriedag verschient de weekmarkt en op ophaoldagen staot de containers an de straot. Ok licht, seizoenen en weersomstandigheden verandert mee. De karke, de meule, hunebedden en kunstwarken hebt een eigen uutwarking. Der staot ok huzen te koop, bushaltes mit komende vertrektieden en wegwarkzaamheden op.
Veur inwoners en bezuukers
Moi! Webservices hef de kaort maakt veur Rolde.nl, um Rolde letterlek op de kaort te zetten. Inwoners kunt heur eigen umgeving ontdekken en bezuukers, waoronder de vele zomertoeristen, kunt veurof biezundere plekken en lokale veurzieningen bekieken.
Openbaore gegevens en lokaal handwark
De kaort combineert gebouwgegevens van het Kadaster, topografie, hoogtegegevens en luchtfoto’s mit eigen modellen en lokale controles. Riedende auto’s bint sfeerbeeld. De positie van bussen wordt schat uut verwachte passeertieden.
De kaort was al bereikbaor en wordt vandaag officieel onder de aandacht bracht. Ontdek Rolde in 3D, bekiek de introductiefilm of lees oaver de mogelijkheden en bronnen. Veur een verbetering of een eigen dörpskaort kuj het contactformulier gebruken.
