Beeldmateriaal en copyright

Bie elke foto op Rolde.nl staot wie hum gemaakt hef of waor hij vandaon komt. Wat ie mit een foto mag, hangt af van die maker.

Foto’s van Rolde.nl

Foto’s mit de vermelding © Rolde.nl binnen gemaakt veur dizze website en eigendom van Moi! Webservices (KvK 69401349). Ie mag ze gebruuken op dien eigen website of in een publicatie, as ie de bron vermeldt mit een link naor www.rolde.nl.

Van dizze foto’s is een bestand in hoge resolutie beschikbaar. Wil ie d'r iene, neem dan contact op.

Foto’s van aanderen

Staot d'r een andere maker bie een foto, dan ligt het auteursrecht bie die maker en geldt het bovenstaande niet. Een diel van die foto’s komt van Wikimedia Commons, onder een vrije licentie. Bie een licentie as CC BY-SA mag ie de foto ok zölf gebruuken, mit de naom van de maker en de licentie d'rbie. Foto’s die een organisatie bie heur eigen nieuws publiceert, gebruuken wie allennig mit heur toestemming; wil ie zo’n foto overnemen, vraog het dan an die organisatie.

Een foto insturen

Heb ie een foto van Rolde of van iets dat in het dörp gebeurt? Stuur hum naor redactie@rolde.nl, mit de naom die d'rbie moet kommen te staon. Stuur allennig foto’s die ie zölf gemaakt hebt, en vraog luu die d'r herkenbaar op staon eerst of ze dat goed vinden. Mit het insturen geef ie Rolde.nl toestemming de foto op de website te gebruuken, mit dien naom d'rbie.

Staot ie zölf op een foto?

Staot ie herkenbaar op een foto op Rolde.nl en wil ie dat hij weggiet, of is een foto die ie zölf maakt hebt zonder dien naom gebruukt? Laot het weten via redactie@rolde.nl, dan passen wie het zo snel mogelijk an.